'कुतूहल 'भुलाबाई च्या गाण्यांचे,कोजागिरी पौर्णिमेचे,पूर्ण चंद्राचे.....

              आज अश्विन पौर्णिमा, म्हणजे कोजागिरी पौर्णिमा बऱ्याच कथा आहेत या दिवसाच्या.

आज कोजागिरी ,(को जाग री) पौर्णिमा आहे. आजचा पूर्ण चंद्र नेहमीपेक्षा 14% आकाराने मोठा व  नेहमीपेक्षा 35% जास्त शुभ्र असणार आहे. वर्ष भरात आज, अंतराने, चंद्र पृथ्वीच्या सर्वात जास्त जवळ असणार आहे. मानवी शरीरात एकूण 60,% पाणी असते. त्याचे मेंदू व हृदयात प्रमाण 73% असते. चंद्राच्या गुरुत्वाकर्षणाचा पृथ्वीवरील सागरावर ज्याप्रमाणे परिणाम होतो व भरती येते तसाच मानवी शरीरावर सुद्धा होतो. त्यामुळे आज रात्री तरुण पिढी जास्त बहकते तर निराश मनाची व्यक्ती स्व नाशाकडे जास्त झुकते. दोन्ही प्रकारच्या व्यक्ती सांभाळण्यासाठी धार्मिक कार्यक्रम आयोजित करून  बदाम , केशर सारखे मसाला दूध पिण्याचा कार्यक्रम करतात.

दम्याच्या आजारावरचे औषध सुद्धा या रात्री कोजागिरी च्या दुधातून घेतात.

जडीबुटीपासून केलेली पावडर आणि शरद पौर्णिमेला पडणारी चंद्राची किरणे याचे मिश्रण म्हणजे हे औषध. त्यामुळे ते वर्षातून एकदा फक्त कोजागरीच्याच रात्री दिले जाते.

2020 मधील 13 पौर्णिमा खालीलप्रमाणे आहेत

धर्मातील कर्मकांडापेक्षा सावित्रीबाई फुले लावलेल्या शिक्षणाचा वृक्ष वृद्धिंगत करून NASA चे शास्त्र समजून घेऊ व आनंद साजरा करु या, यासाठी हार्दिक शुभेच्छा

Jan. 10 - Wolf moon and a penumbral lunar eclipse (not visible in U.S.)

Feb. 9 -  Snow moon

March 9 - Worm moon (supermoon)

April 7 - Pink moon (supermoon)

May 7 - Flower moon (supermoon)

June 5 - Strawberry moon and a penumbral lunar eclipse (not visible in U.S.)

July 5 - Buck moon and a penumbral lunar eclipse

Aug. 3 - Sturgeon moon

Sept. 2 - Corn moon

Oct. 1 - Harvest moon 

 *Oct. 31 - Hunter's moon (and a Blue moon* 

Nov. 30 - Beaver moon and a penumbral lunar eclipse 

Dec. 29 - Cold moon,blue moon

कोजागिरी पौर्णिमा हा सण मोठ्या उत्सहाने साजारा करतात. ही पौर्णिमा पावसा नंतरची पहिली पौर्णिमा असते हिला अश्विन पौर्णिमा म्हणतात,पावसात आकाश स्वछ नसते परंतु या पौर्णिमेला आकाश खूप दिवसानंतर स्वछ आणि सुंदर दिसते. त्यामुळे याचा आनंद घेता यावा व याचे स्वागत करावे म्हणून हा सण साजरा करतात. या दिवशी पोहे व शाळेचे पाणी प्रसाद म्हणून वापरतात.
शेतकरी या दिवसात आपली सर्व कामे संपवून घरी बसून आराम करत असतो या दिवशी रात्री दुध गरम करून त्यामध्ये चंद्राला पाहतात.कारण दुध ही पांढरा शुभ्र असते व चंद्र ही त्या दिवशी ९९ . ९९ % प्रकाशित असतो ,त्यामुळे ही आपली प्रथा आहे. चंद्र या दिवशी ३ लक्ष ८५००० किलो मीटर अंतरावर असतो. त्यामुळे या रात्री वातावरण छान असते आकाश खुले असते म्हणून ही रात्र मौजमजा करण्याचा असतो....

आणखी एक म्हणजे चंद्राबद्दल कुतूहल असणाऱ्या साठी आणखी एक बातमी म्हणजे 31 ऑक्टोबर ला म्हणजे आज आपल्याला पूर्ण चन्द्र बघायला मिळणार आहे.

एका महिन्यात पूर्णाकृती दिसणाऱ्या चंद्राला 'blue moon'असे सुद्धा नाव आहे.

"Once in a blue moon "ही म्हण इंग्रजीत अनेकदा वापरली जाते.ह्या म्हणींवरून स्पष्ट होते की हा किती दुर्मिळ योग् आहे.

मला मात्र या दिवशी गायिलेली भुलाबाई ची गाणी जोरजोरात म्हणायला खूप आवडतात .

भुलाबाई उत्सव त्यानिमित्त वऱ्हाडात घरोघरी भगिनी मंडळी गात असलेल्या भुलाबाई चे गाणे, सादर करीत आहे. ह्याचा आनंद लुटावा ही विनंती. धन्यवाद. 

काय मग म्हणणार का मग भुलाबाईची गाणी.

१…. 

पहिली गं पुजाबाई देवा देवा सा देव

साथीला खंडोबा खेळी खेळी खंडोबा

खंडोबाच्या नारी बाई वर्षा वर्षा आवसनी

आवसनीच पाणी जस गंगेच पाणी

गंगेच्या पाण्याला ठेविला कंठ 

ठेविला कंठ राणा भुलाबाईची 

ठोकिला राळा हनुमंत बाळा

हनुमंत बाळाचे लांब लांब डोळे

टीकाळीचे डोळे हात पाय गोरे

भाऊ भाऊ एकसनी

माता पुढ टेकसनी 

टेकसनीच एकच पान

दुरून भुलाबाई नमस्कार 

एवढीशी गंगा झुळूझुळू वाहे 

तांब्या पितळी न्हाय गं 

हिरवी टोपी बाय गं

हिरवी टोपी हारपली

सरपा आड लपली 

सरप दादा हेकोडा

जाई आंबा पिकला

जाई नव्हे जुई नव्हे 

चिंचाखालची रानोबाय 

चिंचा वेचत जाय गं

शंभर पान खाय गं 

खाता खाता रंगली

‌तळ्यात घागर बुडाली 

तळ्या तळ्या साखळ्या 

भुलाबाई जाते माहेरा

जाते तशी जाऊ द्या 

थालीभर पाण्याने न्हाऊ द्या 

बोटभर मेण लाऊ द्या 

बोटभर कुंकू लाऊ द्या

जांभळ्या घोड्यावर बसु द्या 

जांभळ्या घोड्याचे उलटे पाय 

आऊल पाऊल अकोट गाव 

अमरावती गावचे ठासे ठुसे 

दुरून भुलाबाई चे माहेर दिसे

२…. 

आपे दूssध तापे 

त्यावर पिवळी साय 

लेकी भुssलाबाई 

साखळ्यांचा जोड 

कशी लेऊ दादा 

घरी नंदा जावा 

करतील माझा हेवा 

हेवा कssरपली

नंदा गं लपली 

नंदाचा बैल  

डोलत येईल 

सोन्याच कारलं 

झेलत येईल 

३…. 

घरावर घर बत्तीस घर

इतका कारागीर कोणाचा 

भुलोजी च्या राणीचा 

भूलोजीची राणी 

भरत होती पाणी 

धावा धावा कोणी 

धावतील तिचे दोनी 

दोनी गेले ताकाला

विंचू चावला नाकाला 

 ४…. 

नंदा भावजया दोघी जणी

दोघी जणी

घरात नाही तिसर कोणी 

तिसर कोणी 

शिक्यातल लोणी खाल्ल कोणी 

तेच खाल्लं वहिनीनी वहिनीनी

आता माझे दादा येतील गं येतील गं 

दादाच्या मांडी वर बसील गं बसील गं 

दादाची बायको चोट्टी चोट्टी 

असू दे माझी चोट्टी चोट्टी 

घे काठी लगाव काठी 

घरा घराची लक्ष्मी मोठी 

५…. 

काळा कोळसा झुकझुक  पाना

पालखीत बसला भुलोजी राणा

भुलोजी राण्याचे कायकाय (आ)ले 

सारे पिंपळ एक पान

एक पान दरबारी 

दुसर पान शेजारी 

शेजाऱ्याचा डामा डुमा 

वाजतो तसा वाजू द्या

आम्हाला खेळ मांडू द्या 

खेळात सापडली लगोरी 

लगोरी गेली वाण्याला 

वाण्या वाण्या सोपा दे

सोपा माझ्या गाईला

गाई गाई दुध दे

दुध माझ्या बगळ्याला 

बगळ्या बगळ्या गोंडे दे

(गोंडे माझ्या राज्याला)

तेच गोंडे लेऊ सासर जाऊ 

सासरच्या वाटे कुचू कुचू दाटे

पंढरीच्या वाटे नारळ फुटे  

 ६…. 

नदीच्या काठी राळा पेरला 

बाई राळा पेरला

एके दिवशी काऊ आला 

बाई काऊ आला 

एकच कणीस तोडून नेल 

बाई तोडून नेल

सईच्या अंगणात टाकून दिल 

बाई टाकून दिल

सईन उचलून घरात नेल

बाई घरात नेल

कांडून कुंडून राळा केला 

बाई राळा केला 

राळा घेऊन बाजारात गेली

बाई बाजारात गेली

चार पैशाची घागर आणली

बाई घागर आणली

घागर घेऊन पाण्याला गेली

बाई पाण्याला गेली

मधल्या बोटाला विंचू चावला

बाई विंचू चावला

 ७…. 

आला गं सासरचा वैद्दय

हातात काठी जळक लाकूड

पायात जोडा फाटका तुटका 

नेसायचं धोतर फाटक तुटक 

अंगात सदरा मळलेला 

डोक्यात टोपी फाटकी तुटकी 

तोंडात विडा शेणाचा

कसा गं दिसतो बाई म्हायरावाणी 

गं बाई म्हायरावाणी  

आला गं माहेरचा वैद्दय 

हातात काठी पंचरंगी 

पायात जोडा पुण्यशाई

नेसायचं धोतर जरीकाठी 

अंगात सदरा मलमलचा 

डोक्यात टोपी भरजरी 

तोंडात विडा लालेला 

कसा गं दिसतो बाई राजावाणी 

गं बाई राजावाणी

 ८…. 

सा बाई सू sss सा बाई सू sss 

बेलाच्या झाडाखाली महादेवा तूsss  महादेवा तू 

कृष्ण पंजरीsss  कृष्ण पंजरी 

खुंटी वरचा हार माझा श्याम पदरीss श्याम पदरी

काय करू माय कृष्णानी हार माझा नेलास कि काय ss  नेलास कि काय

कृष्ण करे मोssर कृष्ण करे मोर चंदनाच्या झाडाखाली पाणी पितो मोर 

डाव रंगीलाss  डाव रंगीला गुलाबाचे फुल माझ्या पार्वतीलाss  पार्वतीला

९…. 

काळी चंद्रकला नेसू कशी नेसू कssशी

जाईच तेल आणू कशी आणू कss शी 

जाईच तेल आणल आणल 

सासूबाईच न्हाण  झाल

वन्साबाईची वेणी झाली 

मामाजीची शेंडी झाली 

उरलेलं तेल झाकून ठेवलं 

रानोबाचा पाय पडला 

सासूबाई सासूबाई अन्न द्या 

दुधभात जेवायला द्या 

आमच उष्ट तुम्ही खा 

विडा घेऊन खेळायला जा 

१०…. 

आमचे मामा व्यापारी व्यापारी 

तोंडात चिक्कण सुपारी सुपारी 

सुपारी काही फुटेना फुटेना 

मामा काही उठेना उठेना 

सुपारी गेले गडगडत गडगडत 

मामा आले बडबडत बडबडत 

सुपारी गेली फुटून फुटून 

मामा आले उठून उठून 

११…. 

अक्कण माती चिक्कण माती अशी माती सुरेख बाई 

जातss  ते टाकाव अस जात सुरेख बाई   

गहू ते वल्वावे असे गहू सुरेख बाई 

रवा तो पाडावा असा रवा सुरेख बाई 

करंज्या भराव्या अशा करंज्या सुरेख बाई 

तबकात ठेवाव्या अस तबक सुरेख बाई 

शालुनी झाकाव असा शालू सुरेख बाई 

खेळायला सापडते अस सासर द्वाड बाई 

कोंडू कोंडू मारीते … 

१२…. 

कारल्याची बी पेर ग सुनबाई मग जा अपूल्या माहेरा माहेरा 

कारल्याची बी पेरली हो सासूबाई आता तरी धाडा ना धाडा ना

कारल्याला कोंब येऊ दे ग सुनबाई मग जा अपूल्या माहेरा माहेरा

कारल्याला कोंब आल हो सासूबाई आता तरी धाडा ना धाडा ना

कारल्याला वेल येऊ दे ग सुनबाई मग जा अपूल्या माहेरा माहेरा

कारल्याला वेल आला हो सासूबाई आता तरी धाडा ना धाडा ना

कारल्याला फुल येऊ दे ग सुनबाई मग जा अपूल्या माहेरा माहेरा

कारल्याला फुल आले हो सासूबाई आता तरी धाडा ना धाडा ना

कारल्याला कारले लागू दे ग सुनबाई मग जा अपूल्या माहेरा माहेरा

कारल्याला कारले लागले हो सासूबाई आता तरी धाडा ना धाडा ना

कारल्याची भाजी कर ग सुनबाई मग जा अपूल्या माहेरा माहेरा

कारल्याची भाजी केली हो सासूबाई आता तरी धाडा ना धाडा ना

कारल्याची भाजी खा ग सुनबाई मग जा अपूल्या माहेरा माहेरा

कारल्याची भाजी खाल्ली हो सासूबाई आता तरी धाडा ना धाडा ना 

कारल्याचा गंज घास ग सुनबाई मग जा अपूल्या माहेरा माहेरा

कारल्याचा गंज घासला हो सासूबाई आता तरी धाडा ना धाडा ना

मला काय पुसते बरीच दिसते पूस आपल्या सासऱ्याला सासऱ्याला 

मामंजी मामंजी मला मूड आल पाठवता की नाही नाही 

मला काय पुसते बरीच दिसते पूस आपल्या भासऱ्याला भासऱ्याला 

दादाजी दादाजी मला मूड आल पाठवता की नाही नाही 

मला काय पुसते बरीच दिसते पूस आपल्या जावेला जावेला 

जाऊबाई जाऊबाई मला मूड आल पाठवता की नाही नाही 

मला काय पुसते बरीच दिसते पूस आपल्या नन्देला नन्देला 

वन्स वन्स मला मूड आल पाठवता की नाही नाही 

मला काय पुसते बरीच दिसते पूस आपल्या दीराला दीराला 

भाऊजी भाऊजी मला मूड आल पाठवता की नाही नाही 

मला काय पुसते बरीच दिसते पूस आपल्या नवऱ्याला नवऱ्याला

पतीराज पतीराज मला मूड आल पाठवता की नाही नाही 

आन फणी घाल वेणी मग जा अपूल्या माहेरा माहेरा

आणली फणी घातली वेणी भुलाबाई गेल्या माहेरा  

१३…. 

यादवरा या राणी रुसून बैसली कैसी  

सासूरवाशीण सून घरात येना कैसी

सासू गेली समजावयाला 

चला चला सुनबाई अपुल्या घराला 

मी नाही यायची तुमच्या घराला 

माझा पाटल्यांचा जोड देते तुम्हाला 

तुमचा पाटल्यांचा जोड नको मजला 

मी नाही यायची तुमच्या घराला 

यादवरा या राणी रुसून बैसली कैसी 

 सासरे गेले समजावयाला 

चला चला सुनबाई अपुल्या घराला 

मी नाही यायची तुमच्या घराला

माझी घोडागाडी  देतो तुम्हाला 

तुमची घोडागाडी नको मजला 

मी नाही यायची तुमच्या घराला 

यादवरा या राणी रुसून बैसली कैसी 

सासूरवाशीण सून घरात येना कैसी

पतीराज  गेले समजावयाला 

चला चला राणीसाहेब अपुल्या घराला 

माझा लाल चाबूक देतो तुम्हाला 

तुमचा लाल चाबूक हवा मजला 

मी तर यायची अपुल्या घराला

यादवरा या राणी घरात आली कैसी

१४…. 

चादण्या रात्री आम्ही भुलाबाई जागवल्या जागवल्या 

सासू म्हणते सुने सुने तो पाटल्यांचा जोड काय केला काय केला 

हरवला हरवला, तुमच काय जाते माझ्या बाबाने घडवला घडवला  

चादण्या रात्री आम्ही भुलाबाई जागवल्या जागवल्या 

........

१५…. 

झापर कुत्र सोडा ग बाई सोडा ग बाई 

चारी दरवाजे लावा ग बाई लावा ग बाई

कोण पाव्हणे आले ग बाई आले ग बाई 

सासरे पाव्हणे आले ग बाई आले ग बाई 

………………………………

झापर कुत्र बांधा ग बाई बांधा  ग बाई 

चारी दरवाजे उघडा ग बाई उघडा ग बाई

कोण पाव्हणे आले ग बाई आले ग बाई 

पतीराज पाव्हणे आले ग बाई आले ग बाई 

१६…. 

पहिल्या माशीचा घडवा येतो येतो रे सडवा

सरता सरता नंदन घराच्या

नंदन घराच्या बगिच्या वरी 

चिंचा बहुत लागल्या  

भुलाबाई राणीचे डोहाळे 

तिचे डोहाळे, तिला बाई नेउन टाका पलंग वरी  

पलंग फिरे चौक फिरे 

शंकर बसिले शेजारी ।।१।।

........................................... 

दुसऱ्या माशीचा घडवा येतो येतो रे सडवा

सरता सरता नंदन घराच्या

नंदन घराच्या बगिच्या वरी

पेरू बहुत लागले   

भुलाबाई राणीचे डोहाळे 

तिचे डोहाळे, तिला बाई नेउन टाका पलंग वरी  

पलंग फिरे चौक फिरे 

शंकर बसिले शेजारी ।।२।।

................................................. 

तीसऱ्या माशीचा घडवा येतो येतो रे सडवा

सरता सरता नंदन घराच्या

नंदन घराच्या बगिच्या वरी

संत्री बहुत पिकले    

भुलाबाई राणीचे डोहाळे 

तिचे डोहाळे, तिला बाई नेउन टाका पलंग वरी  

पलंग फिरे चौक फिरे 

शंकर बसिले शेजारी ।।३।।

.................................................. 

चौथ्या माशीचा घडवा येतो येतो रे शिरवा 

सरता सरता नंदन घराच्या

नंदन घराच्या बगिच्या वरी

मोसंबी बहुत पिकल्या    

भुलाबाई राणीचे डोहाळे 

तिचे डोहाळे, तिला बाई नेउन टाका पलंग वरी  

पलंग फिरे चौक फिरे 

शंकर बसिले शेजारी ।।४।।

.................................................. 

पाचव्या माशीचा घडवा येतो येतो रे सडवा 

सरता सरता नंदन घराच्या

नंदन घराच्या बगिच्या वरी

डाळिंब बहुत पिकले   

भुलाबाई राणीचे डोहाळे 

तिचे डोहाळे, तिला बाई नेउन टाका पलंग वरी  

पलंग फिरे चौक फिरे 

शंकर बसिले शेजारी ।।५।।

.................................................. 

सहाव्या माशीचा घडवा येतो येतो रे सडवा 

सरता सरता नंदन घराच्या

नंदन घराच्या बगिच्या वरी

द्राक्ष बहुत पिकले   

भुलाबाई राणीचे डोहाळे 

तिचे डोहाळे, तिला बाई नेउन टाका पलंग वरी  

पलंग फिरे चौक फिरे 

शंकर बसिले शेजारी ।।६।।

.................................................. 

सातव्या माशीचा घडवा येतो येतो रे सडवा

सरता सरता नंदन घराच्या

नंदन घराच्या बगिच्या वरी

आंबे बहुत पिकले   

भुलाबाई राणीचे डोहाळे 

तिचे डोहाळे, तिला बाई नेउन टाका पलंग वरी  

पलंग फिरे चौक फिरे 

शंकर बसिले शेजारी ।।७।।

.................................................. 

आठव्या माशीचा घडवा येतो येतो रे सडवा 

सरता सरता नंदन घराच्या

नंदन घराच्या बगिच्या वरी

खरबूज बहुत पिकले   

भुलाबाई राणीचे डोहाळे 

तिचे डोहाळे, तिला बाई नेउन टाका पलंग वरी  

पलंग फिरे चौक फिरे 

शंकर बसिले शेजारी ।।८।।

.................................................. 

नवव्या माशीचा घडवा येतो येतो रे सडवा

सरता सरता नंदन घराच्या

नंदन घराच्या बगिच्या वरी

टरबूज बहुत पिकले   

भुलाबाई राणीचे डोहाळे 

तिचे डोहाळे, तिला बाई नेउन टाका पलंग वरी  

पलंग फिरे चौक फिरे 

शंकर बसिले शेजारी ।।९।।

 १७-अ …. 

एक लिंब झेलू बाई दोन लिंब झेलू 

दोन लिंब झेलू बाई तीन लिंब झेलू 

तीन लिंब झेलू बाई चार लिंब झेलू 

चार लिंब झेलू बाई पाच लिंब झेलू 

पाचाचा पानोडा माय गेली हन्मंता 

हन्मंताचे --------------------------

---------------येता जाता कंबर मोडी

नीज रे नीज रे तान्ह्या बाळा 

मी तर

सोनार वाड्यातून काय काय आणले 

----------------------------------------

एक गेला खारीला एक गेला खोबरीला 

खारी खोबऱ्याच आल जीऱ्या मिऱ्याच काही नाही आल 

आपडमं तापडमं  चंद्राची मागे पडली बेलाची 

बाळ लेकरू राजाच सीताबाई रामाची 

पार्वती शंकराची पाळणा हाले झुईझुई 

तामण बाई तामण अस कस तामण 

भूलोजीला लेक झाला नाव ठेवा वामन 

 

अडकित जाऊ खिडकीत जाऊ खिडकीत होता बत्ता 

भूलोजीला लेक झाला नाव ठेवा दत्ता 

.................................................. 

अडकित जाऊ खिडकीत जाऊ खिडकीतून पाय घसरला 

भूलोजीला लेक झाला साखरपाना विसरला 

आणा आणा पारीस उगळा उगळा काथ 

आज आमच्या भुलाबाईचा शेवटचा दिवस 

शेवट च्या दिवशी बाळाला टोपी मोत्यांनी गुंफली झोझो रे 

बाणा बाई बाणा सुरेख बाणा 

गाणे संपले खिरापत आणा 

आणा आणा लवकर खाऊ द्या पट्कन

कृपया हे गाण बरोबर करा … रिकाम्या जागा भरा 

१७-ब …… 

हत्तीच्या सोंडेवर पेरीला मगर 

मगरच्या राजाने शाळा मस्त केली 

शाळेच्या राजाचे चंदनाचे गोटे 

एवढ्या रातरी धून कोण धुते 

धून धुय ग बाई चंदन गोटयावरी 

वाळू घाल ग बाई रंगीत खुंटी वरी 

आला चेंडू गेला चेंडू लाल चेंडू गुलाबी 

आपण सारे हत्ती घोडे हत्ती घोडे रवे रवे 

रव्याचे भाऊ वाणीला गेले 

एक गेला खारीला एक गेला खोबरीला 

खारी खोबऱ्याच आल जीऱ्या मिऱ्याच काही नाही आल 

आपडमं तापडमं  चंद्राची मागे पडली बेलाची 

बाळ लेकरू राजाच सीताबाई रामाची 

पार्वती शंकराची पाळणा हाले झुईझुई 

तामण बाई तामण अस कस तामण 

भूलोजीला लेक झाला नाव ठेवा वामन 

अडकित जाऊ खिडकीत जाऊ खिडकीत होता बत्ता 

भूलोजीला लेक झाला नाव ठेवा दत्ता 

…………………………………………………… 

अडकित जाऊ खिडकीत जाऊ खिडकीतून पाय घसरला 

भूलोजीला लेक झाली नाव ठेवा सरला 

आणा आणा पारीस उगळा उगळा काथ 

आज आमच्या भुलाबाईचा शेवटचा दिवस 

शेवट च्या दिवशी बाळाला टोपी मोत्यांनी गुंफली झोझो रे 

बाणा बाई बाणा सुरेख बाणा 

गाणे संपले खिरापत आणा 

आणा आणा लवकर खाऊ द्या पट्कन

कृपया चुका दुरुस्त करा, लहानपणी शब्दांचा अर्थ न कळता आणि जे जसे ऐकले ते  लिहिले.

मला आठवते मी लहानपणी शाळेत असताना शाळा सुटल्यावर1महिनाभर सर्व मैत्रिणींकडे भुलाबाई चे गाणे जोरजोरात कुठलाचअर्थ न कळता म्हणून आणि प्रसाद जिंकून  घरी जायची ,अर्थातच आगोदर आईची संमती घेवून,😊  गाणे ,सर्व मैत्रिणीसोबत भेसूऱ्या आवाजात गाणे म्हणायची गोडी काही औरच होती.

आता मात्र1च गाण्याचा अर्थ चांगला कळतो....

कारल्याची बी..... चे गाणे....

मी माझ्या शाश्वत ला तो लहान असताना त्याला झोपवताना निंबोणीच्या झाडामागे चन्द्र झोपला ग बाई सोबत सर्वच भुलाबाईची गाणी म्हणायची ....😊

माझ्या मैत्रिणीच्या मुलानी छान पौर्णिमेच्या चंद्राच्या paintings काढल्या.

चंद्राचे रंग हे 2,3 प्रकारचे असतात ,चंद्र आकाशात आल्यावर पहिल्यांदा तो लाल, नंतर, पांढऱ्या, नंतर करड्या रंगाचा दिसतो.

प्रकाश किरण जेव्हा चंद्राच्या कक्षेत जातात तेव्हा 

प्रकाश वेगवेगळ्या दिशेत परावर्तित होतो आणि त्यामुळे चंद्राचा रंग उगवताना आणि मावळताना बदलल्याचे आपल्याला जाणवते.

31 ऑगस्ट2023 रोजी पुढचा ब्लू मून दिसणार आहे असे नासा ने जाहीर केले आहे.

चंद्राच्या या दुर्मिळ घटनेचे साक्षीदार आपण सगळेच होऊया आणि आज पूर्ण चंद्र आपण सगळे बघुयात .

त्यासाठी कोणत्याही चष्म्याचीही गरज नाही🕶️.

आपण सगळेच आपल्या घराच्या गच्चीवर जाऊन या क्षणांचा आणि चंद्राच्या शितल छायेचा आनंद घेऊयात.

🧀🍟🍔🍱🍿🍔🍫🍬🍡🍭🍩🍪🍥🥓

 

    #भुलाबाई ची गाणी

#  कुतूहल भुलाबाई च्या गाण्यांचे

# कोजागिरी पौर्णिमा

#कुतूहल पूर्णचंद्राचे

 संदर्भ -इंटरनेट